Cofrestr Fabwysiadu Cymru

Fel adnodd canfod teulu ar-lein a gwasanaeth data, mae Cofrestr Fabwysiadu Cymru yn sefydledig mewn gwasanaethau yng Nghymru benbaladr ac mae’n dal i adnabod lleoliadau mabwysiadol ar gyfer nifer fawr o blant. Dros y flwyddyn ddiwethaf mae 59 o blant wedi dod o hyd i deuluoedd parhaol drwy’r gofrestr ac mae nifer fawr yn fwy o fabwysiadwyr posibl bellach wedi cofrestru.

Y gofrestr genedlaethol sy’n cysylltu ac sy’n dod o hyd i deuluoedd yw Cofrestr Fabwysiadu Cymru. Y Gwasanaeth Mabwysiadu Cenedlaethol a Llywodraeth Cymru sy’n ei chynnal.   Mae’n cynnig gwasanaeth unigryw i gynorthwyo asiantaethau mabwysiadu Cymru sy’n dod o hyd i deuluoedd i blant a darpar fabwysiadwyr.

Tîm profiadol ac ymroddedig sy'n cyflawni gwaith Cofrestr Fabwysiadu Cymru, ac mae wedi meithrin perthnasoedd gwaith ar y cyd â phob Asiantaeth Fabwysiadu ledled Cymru er mwyn lleihau oedi i blant sy’n aros am deulu mabwysiadol, ac er mwyn codi ymwybyddiaeth o bwysigrwydd blaengaredd a brys wrth ddod o hyd i deuluoedd i blant.

Rydym yn rheoli cronfa ddata’r Gofrestr Fabwysiadu; ar hon cedwir manylion plant sydd angen teuluoedd, a phobl sydd wedi eu cymeradwyo i fabwysiadu. Mae ein tîm profiadol yn nodi plant a darpar fabwysiadwyr y gellid eu paru drwy gysylltu’n rheolaidd ac yn agos ag asiantaethau er mwyn sicrhau bod plant a theuluoedd yn cael y cyfle gorau i gael eu paru’n llwyddiannus.   Rydym yn chwilio am gysylltiadau i bob plentyn a mabwysiadwr ar ein Cofrestr o leiaf unwaith yr wythnos, drwy ein cronfa ddata paru a thrwy edrych ar broffiliau pob plentyn a mabwysiadwr sydd ar gael. Ar yr un pryd, rydym hefyd yn gweithio’n agos ag Asiantaethau Mabwysiadu, ymarferwyr a mabwysiadwyr. Mae hynny'n cynnwys gwneud cysylltiadau drwy drafod ag ymarferwyr a chynnal gweithgareddau fel Diwrnodau Gweithgareddau Mabwysiadu, Diwrnodau Cyfnewidfa Fabwysiadu a Digwyddiadau Proffilio ar-lein.
 

Mae Cyfarwyddiadau Deddf Mabwysiadu a Phlant, 2002 (Trefniadau Mabwysiadu ar y Cyd) (Cymru) (Diwygiad) 2019 yn ei gwneud yn ofynnol i’r Awdurdod Lleol ac Asiantaethau Mabwysiadu Gwirfoddol roi manylion plant a mabwysiadwyr i Gofrestr Fabwysiadu Cymru o fewn un mis i’r dyddiad y cafodd yr awdurdod lleol ei awdurdodi i drefnu i blentyn gael ei fabwysiadu, neu o fewn un mis wedi i’r mabwysiadwr gael ei gymeradwyo. 

Ein hanes

Mae gwasanaeth Cofrestr Mabwysiadu wedi cael ei gynnig yng Nghymru ers 2014, er mwyn ehangu'r gronfa o ddarpar fabwysiadwyr o blant sydd angen cael eu mabwysiadu, pan nad yw'r awdurdod lleol wedi gallu eu gosod yn lleol.   

Yn 2015, comisiynwyd y Gwasanaeth Mabwysiadu Cenedlaethol i gynnal cofrestr fabwysiadu ar ran Llywodraeth Cymru.

Lansiwyd Cofrestr Fabwysiadu Cymru ym mis Mehefin 2019, a ddisodlodd Cofrestr Fabwysiadu flaenorol Cymru. Mae Cofrestr Mabwysiadu Cymru yn defnyddio Link Maker, system ar-lein ddiogel sydd yn ddwyieithog sy’n caniatau mynediad uniongyrchol i fabwysiadwyr. Nod y Gofrestr yw dod o hyd i barau addas i blant a chynlluniau mabwysiadu a lleihau eu hamser aros. 

Rydym yn cynnal amrediad o weithgareddau i baru teuluoedd â phlant. Mae’r digwyddiadau hyn yn cynnig cyfleoedd i ddarpar fabwysiadwyr i fod yn fwy rhagweithiol ac maent yn cynnig gwybodaeth yn uniongyrchol i fabwysiadwyr am blant sy'n aros i gael eu paru. Rydym hefyd yn gweithio gydag asiantaethau mabwysiadu i ddarparu canllawiau arfer gorau i broffilio plant.

Sylwadau ar Gofrestr Fabwysiadu Cymru:

Rydym yn casglu ystadegau hanfodol mewn perthynas â phlant a mabwysiadwyr yng Nghymru yn unig.  Drwy gydweithio o fewn Fframwaith Rheoli Perfformiad Gwasanaeth Mabwysiadu Cenedlaethol, mae modd i ni fapio ymarfer a gweithgarwch presennol ym maes mabwysiadu. 

Y data trosolwg a'r dadansoddiad o dueddiadau y mae'r Gofrestr yn eu darparu yw sylfaen y gwaith cynllunio strategol ar lefel rhanbarthol a chenedlaethol.  Yn ogystal â chynnwys gwybodaeth ar gyfer ymgyrchoedd marchnata a recriwtio sy’n targedu cynulleidfa, mae hefyd yn ddefnyddiol o ran rheoli adnoddau a chapasiti sydd eu hangen er mwyn sicrhau gwasanaethau mabwysiadu gydol oes.

Llinell Gymorth I Fabwysiadwyr

Mae staff y Gofrestr yn cynnal ein Llinell Gymorth i Fabwysiadwyr bum diwrnod yr wythnos rhwng 9.00am ac 1.00pm. Mae modd i'r sawl sy’n cysylltu y tu allan i’r oriau hynny adael neges lais, a chânt ymateb y diwrnod gwaith nesaf.

029 2087 3799 yw'r rhif ffôn.

 

Trefniadau Gyda Chofrestrau Eraill Yn Y Du

Mae Cofrestr Fabwysiadu Cymru yn trefnu cymaint o gyfleoedd â phosibl i blant a darparwyr fabwysiadwyr drwy gyfeirio at Gofrestrau eraill yn y DU pan fo hynny'n briodol, drwy’r Protocol Cyfeirio Rhwng Cofrestrau Lloegr, Gogledd Iwerddon a'r Alban, sydd wedi’i ddylunio i alluogi Rheolwyr Cofrestrau pob rhanbarth i dderbyn atgyfeiriadau ac i'w gwneud.   

Cysylltu â ni:

Gofrestr Fabwysiadu Cymru
 

029 2087 3799

CofrestrMabwysiaduCymru@adoptcymru.com